TINTOS
Valdeorras recupera os seus viños doces artesanais de hai un século
17/04/2012 - Galiciaé LV
Un grupo de investigadores da Universidade de Vigo e da Denominación de Orixe de Valdeorras conseguiron recuperar os viños doces artesanais que se producían nesta comarca ourensá a principios do século XX.
Logo de catro anos de investigación e con bos resultados nas catas realizadas, os promotores da iniciativa confían en que este viño abra unha nova vía de negocio e prestixio para os viticultores da zona.
Un total de doce catadores comprobaron os logros do traballo dos investigadores no marco do proxecto de optimización do aroma e da cor nos procesos de obtención do viño tostado a partir de uva garnacha tintureira.
A responsable do proxecto, Beatriz Cancho, destacou que, unha vez feita a investigación, agora é o momento de que os viticultores de Valdeorras coñezan as características destes viños e da súa realización e se animen a producilos para o mercado.
De feito, existe unha primeira adega traballando na posta en marcha da produción deste viño.
Non podes valorar os teus propios comentarios.
Só podes valorar o comentario unha vez.
¿Comentas?
Borraranse os comentarios que conteñan insultos e/ou contidos inadecuados.
Para calquera dúbida, consulta a guía de comentarios.
